ԵՐԵՎԱՆ, 18 ապրիլի — Sputnik. Սերժ Սարգսյանն այսօր վարչապետի պաշտոնում առաջին ուղերձն է հղել։
Ինչպես հայտնում է ՀՀ վարչապետի նորաստեղծ պաշտոնական կայքը, Սերժ Սարգսյանը Հայաստանի եզդիական համայնքին շնորհավորել է Նոր տարվա` Մալաքե Թաուսի առիթով։
«Հայ և եզդի ժողովուրդների բարեկամությունը դարերի պատմություն ունի: Այդ բարեկամությունը ամրապնդվել է ինչպես համատեղ խաղաղ աշխատանքով, այնպես էլ համատեղ պայքարով: Դրա վառ վկայություններից են 1918 թվականի մայիսյան հերոսամարտերը, որոնց 100-ամյակը նշում ենք այս տարի»,- ասված է ուղերձում։
Վարչապետը եզդիական համայնքին խաղաղ ու արգասաբեր տարի է մաղթել: