ԵՐԵՎԱՆ, 17 ապրիլի — Sputnik. Երեկ՝ ապրիլի 16-ին, ժամը 10:30-ի սահմաններում Տավուշի մարզի Կողբ գյուղի բնակիչ 57-ամյա Դավիթ Թանդիլյանը, ոստիկանության Նոյեմբերյանի բաժին ներկայանալով, հայտնել է, որ ապրիլի 15-ի ժամը 23:30-ից մինչև ապրիլի 16-ի ժամը 10:00-ն ընկած ժամանակահատվածում հրկիզել են Կողբ գյուղի 22-րդ փողոցում գտնվող իր «Բիլիարդ» բար-սրճարանը:
Ինչպես հայտնում է shamshyan.com-ը, գյուղ են ժամանել ոստիկանության Նոյեմբերյանի բաժնի օպերատիվ խումբը:
Փաստի առթիվ հետաքննչական բաժանմունքում նյութեր են նախապատրաստվում: Պարզվում են վնասի չափն ու դեպքի հանգամանքները:
Կայքի տեղեկություններով՝ «Բիլիարդ» բար-սրճարանը հաշվառված է «Ջուլիետա Բեգլարյան» ԱՁ-ի անունով: