ԵՐԵՎԱՆ, 17 ապրիլի — Sputnik. Հասարակական տրանսպորտը Երևանում սովորական ռեժիմով աշխատում է, բայց շրջանցում է բողոքի ակցիայի պատճառով փակված փողոցները։ Այս մասին Sputnik Արմենիային հայտնեց Երևանի քաղաքապետարանի տրանսպորտի վարչության պետ Հենրիկ Նավասարդյանը։
Ապրիլի 16–ից ընդդիմությունը քաղաքացիական անհնազանդության ակցիաներ է անցկացնում։ Ապրիլի 17–ին խորհրդարանում ընտրվելու է երկրի վարչապետը։ Բողոքողներն ուզում են խափանել այդ նիստը։
«Միակ տարբերակը բոլոր հնարավոր տարբերակներով փողոցները շրջանցելն է։ Մենք կանենք ամեն բան, քաղաքացներին սպասարկելու համար», – նշեց Նավասարդյանը։
Նա օրինակ բերեց Նուբարաշենից եկող ավտոբուսը, որը մինչև «Այրարատ» կինոթատրոն է գալիս, որտեղ ավարտում է երթուղին, թեև պետք է շարունակեր ճանապարհը։