Ցուցարարները քայլերթից ու ցույցերից բացի, փակում են մայրաքաղաքի կենտրոնական փողոցները` կաթվածահար անելով երթևեկությունը, և հորդորելով բոլորին միանալ ընդդեմ Սերժ Սարգսյանի վարչապետության բողոքի ակցիաներին։
Ապրիլի 17-ի առավոտյան Երևանի կենտրոնական փողոցները կրկին անանցանելի էին։ Ցուցարարները հերթով փակում էին խաչմերուկները` այնտեղ աղբամաններ ու նստարաններ տեղադրելով, և խոչընդոտում մեքենաների ու հասարակական տրանսպորտի տեղաշարժին։
Կեսօրից հետո Փաշինյանը փոքր խմբերով փորձեց շրջափակել մի շարք նախարարությունների և գերատեսչությունների շինությունները` խաթարելով նրանց աշխատանքը։ Ցույցի մասնակիցները հերթով մոտենում էին այդ շինություններին և փակում դրանք մուտքերը, իսկ մյուսները շարունակում էին իրենց երթը։