ԵՐԵՎԱՆ, 17 Ապրիլ — Sputnik. Կխոսեմ այն խնդրիրների մասին, որոնք, ծանրացած են մեր պետականության առաջ։ Անցյալի, արվածի մասին չեմ խոսի, արվածի ու չարվածի գնահատականը կտան պատմությունն ու ժամանակը: Այսպես իր ելույթը ԱԺ հատուկ նիստի ժամանակ սկսեց ՀՅԴ խմբակցության քարտուղար Աղվան Վարդանյանը։
«Նոր Սահմանադրության տրամաբանությունից է բխում, որ իշխանությունը կենտրոնացած չլինի մեկի ձեռքում, իսկ երկրում աստիճանաբար ձևավորվի իշխանություն-ընդդիմություն երկբևեռ քաղաքական դասական համակարգը»,- նշեց նա և հավելեց, որ առաջիկա տարիներին կատարվելիքի հիմքում 3 հիմնարար փաստաթղթեր են՝ նոր Սահմանադրությունը, այս գումարման առաջին նիստում ՀՀ նախագահի ելույթը, ՀՀԿ ու ՀՅԴ-ի 2 համաձայնագրերը, որոնց համաձայն՝ համատեղ պատասխանատվություն ենք ստանձնում երկրում որակական ու արմատական բարեփոխումներ կատարելու
Վարդանյանի կարծիքով` արտաքին թշնամուց ոչ պակաս կարևոր է նաև Հայաստանում ներքին թշնամու դեմ պայքարը:
«Արտաքին թշնամուց ոչ պակաս վտանգավոր է ներքին թշնամին, այն մտածողություն և որոշակի երևույթներ են: Այդ երևույթներից ամենավտանգավորն անարդարությունն է, որը ցանկացած պետության համար չարիք է, հիվանդություն, որ հյուծում ու թուլացանում է պետությունը՝ թուլացնելով նաև պետության հանդեպ սերը:
Մենք այսօր պայքարի ևս մեկ ճակատ ունենք, որտեղ հաղթանակը ոչ պակաս կարևոր է՝ մենք պատերազմի նոր փուլ են հայտարարում անարդարությունը, իսկ պետությունը շարունակում է անհատի մեջ արմատավորել կոռուպցիայի նկատմամբ զրո հանդուրժողականությունը»,- ընդգծեց Աղվան Վարդանյանը:
Պատգամավորը շեշտեց՝ «մեծամասնություն» դեռևս չի նշանակում բոլոր հարցերում իմանալ լուծումները: Նրա խոսքով՝ քաղաքական մեծամասնությունն ու փոքրամասնությունը ոչ թե հակառակորդներ են, այլ մեր պետության առջև ծանրացած խնդիրների լուծման համար տարբեր ճանապարհներ տեսնող մարդիկ են: