ԵՐԵՎԱՆ, 16 ապրիլի — Sputnik. Բաղրամյան պողոտայում ոստիկանության և ցուցարարների միջև տեղի ունեցած բախումից հետո «Իմ քայլը» նախաձեռնության առաջնորդ, ԱԺ պատգամավոր Նիկոլ Փաշինյանը տեղափոխվել է «Նաիրի» բժշկական կենտրոն։ Այս մասին տարածված լուրերը լրագրողների հետ զրույցում հաստատեցին Փաշինյանի կինը` Աննա Հակոբյանն ու նրա կուսակիցները` հայտնելով, որ Փաշինյանը տեղափոխվել է «Նաիրի» ԲԿ։
Հիվանդանոցից Sputnik Արմենիային հայտնեցին, որ պատգամավորի վնասվածքները թեթև են, նա առաջին բուժօգնությունից հետո դուրս կգրվի։
Որոշ լուրերի համաձայն` Փաշինյանը վնասել է ձեռքերը, երբ փորձել է Բաղրամյան փողոցից հեռացնել ոստիկանության տեղադրած փշալարը։