ԵՐԵՎԱՆ, 15 ապրիլի — Sputnik. Քիմիական զենքի հարցերով փորձագետ և Իրաքում ՄԱԿ-ի նախկին տեսուչ Անտոն Ուտկինը ասել է, որ ռուսական հետախուզության նախկին աշխատակից Սերգեյ Սկրիպալին և նրա դստերը, հավանաբար, թունավորել են BZ տեսակի քիմիական նյութով։ Ի դեպ, այն երբևէ ընդգրկված չի եղել Ռուսաստանի զինանոցում, արտադրվել է ԱՄՆ-ում:
Այս մասին գրում է ՌԻԱ Նովոստին։
Ավելի վաղ հաղորդվում էր, որ Մոսկվան շվեյցարական լաբորատորիայից գաղտնի տեղեկություն է ստացել Սոլսբերիում կատարվածի առնչությամբ: Ստացված տվյալների համաձայն՝ Սերգեյ և Յոլիա Սկրիպալները թունավորվել են BZ քիմիական նյութով, որը գտնվել է ԱՄՆ-ի, Մեծ Բրիտանիայի և ՆԱՏՕ-ի անդամ երկրների սպառազինման կազմում, իսկ Սկրիպալների ապաքինման կլինիկական պատկերը հաստատում է շվեյցարացի գիտնականների եզրակացությունը:
Ելույթ ունենալով արտաքին և պաշտպանական քաղաքականության խորհրդի նիստում՝ ՌԴ ԱԳ նախարար Լավրովը հայտարարել էր, որ գաղտնիության պայմանով զեկույց է ստացվել շվեյցարական ռադիոլոգիական հետազոտությունների կենտրոնից: Նա նշել է, որ կենտրոնի մասնագետները մարտի 27-ին ավարտել են Սոլսբերիից վերցված փորձանմուշների հետազոտությունը:
Վերոնշյալ քիմիական նյութն ազդում է հենց նյարդային համակարգի վրա: Նրա խոսքով՝ այդ նյութը երբևէ չի արտադրվել Ռուսաստանում և նախկին ԽՍՀՄ երկրներում: