ԵՐԵՎԱՆ, 14 ապրիլի — Sputnik. Սիրիայի հթիռակոծության հետևում կանգնած են նրանք, ովքեր բարոյական առաջնորդության են հավակնում աշխարհում, Facebook սոցիալական ցանցում գրել է ՌԴ արտգործնախարարության պաշտոնական ներկայացուցիչ Մարիա Զախարովն` մեկնաբանելով ԱՄՆ-ի գլխավորած կոալիցիայի` Սիրիայում իրականացված հրթիռակոծությունը։
Նրա խոսքով` սկզբում Սիրիայի ժողովրդի վրա փորձարկեցին «արաբական գարունը», հետո ԻՊ-ն, հիմա էլ՝ ամերիկյան հրթիռները։ Հարված են հասցրել ինքնիշխան պետության մայրաքաղաքին, որը երկար տարիներ փորձում է փրկվել ահաբեկչական ագրեսիայի պայմաններում։
«Այդ ամենի հետևում կանգնած են նրանք, ովքեր աշխարհում հավակնում են բարոյական առաջնորդության և հայտարարում են իրենց բացառիկության մասին։ Պետք է իսկապես բացառիկ լինել, որպեսզի այն պահին, երբ Սիրիան խաղաղ ապագայի հնարավորություն է ստացել, գնդակոծել մայրաքաղաքը»,- գրել է Զախարովան։
Նա ավելացրել է` Սպիտակ տունը հայտարարել է, որ Դամասկոսի քիմիական հարձակման հարցում վստահությունը հիմնված է «ԶԼՄ-ների հաղորդագրությունների, տեսագրությունների և լուսանկարների, ինչպես նաև վստահության արժանի տեղեկատվության վրա»։
«Այդ հայտարարությունից հետո ամերիկյան և մյուս արևմտյան ԶԼՄ-ները պետք է հասկանան իրենց պատասխանատվությունը կատարվածի համար»,- ասել է Զախարովան։
Նշենք, որ այսօր լուսադեմին ԱՄՆ-ն, Մեծ Բրիտանիան և Ֆրանսիան Սիրիայի տարածքում 30 հրթիռ են արձակել, որոնցից մեկ երրորդը Սիրիայի զինված ուժերը կարողացել են խոցել: