ԵՐԵՎԱՆ, 14 ապրիլի — Sputnik. Ապրիլի 14-ի լույս 15-ի գիշերը կդադարեցվի ատոմակայանի 4-րդ էներգաբլոկի աշխատանքը։ Հայտնում է ՀՀ էներգետիկ ենթակառուցվածքների և բնական պաշարների նախարարության տեղեկատվության և հասարակայնության հետ կապերի բաժինը։
Հայկական ատոմային էլեկտրակայանի երկրորդ էներգաբլոկի պլանային նախազգուշական վերանորոգման նախապատրաստական աշխատանքների շրջանակում կդադարեցվի նախ գործող էներգաբլոկի 4-րդ տուրբոագրեգատը, իսկ հունիսի 1-ից` ռեակտորը և թիվ 3 տուրբոագրեգատը:
Հընթացս կշարունակվեն նաև ՀԱԷԿ-ի անվտանգության մակարդակի բարձրացման միջոցառումները, մեքենայական սրահի սարքավորումների արդիականացման աշխատանքները:
Նախատեսվում է, որ հայկական ԱԷԿ-ի 2-րդ էներգաբլոկի ռեակտորը կվերագործարկվի օգոստոսի 1-ին՝ 4-րդ տուրբոագրեգատի հետ միաժամանակ, իսկ 3-րդ տուրբոագրեգատը` դեկտեմբերի 1-ին: