ԵՐԵՎԱՆ, 13 ապրիլի — Sputnik. Գյումրու շենքերից մեկի 4-րդ հարկի պատշգամբից երկուսուկես տարեկան երեխա է ընկել։ Երեխայի վիճակը ծայրահեղ ծանր է։ Այս մասին Sputnik Արմենիային հայտնեցին Երևանի Սուրբ Աստվածամայր հիվանդանոցից:
Այս պահին բժիշկներն անհրաժեշտ հետազոտություններ են կատարում` պարզելու գլխուղեղի տրավմայի աստիճանը` հայտնեց մեր զրուցակիցը։
Դեպքից անմիջապես հետո երեխան տեղափոխվել է Գյումրու «Մոր և մանկան» ավստրիական հիվանդանոց, ավելի ուշ նրան տեղափոխել են Երևան։
Այստեղ նրա մոտ նախնական վարկածով ախտորոշվել է գանգուղեղային տրամվա, գանգոսկրի բազմաթիվ կոտրվածներ, աջ արմնկային ոսկրի բաց կոտրվածք, արյունահոսություն, ներքին արյունահոսության կասկածներ:
Երեխան չի կարողանում ինքնուրույն շնչել, միացված է արհեստական շնչառության ապարատին։