ԵՐԵՎԱՆ, 13 ապրիլի — Sputnik. Արցախի մայրաքաղաք Ստեփանակերտում դժբախտ պատահարի պատճառով նույն ընտանիքից 3 մարդ է մահացել։ Ապրիլի 12-ին, ժամը 13:35-ին, Արտակարգ իրավիճակների պետական ծառայության ճգնաժամային կառավարման կենտրոն ահազանգ է գրանցվել, որ Ստեփանակերտ քաղաքի Ազատամարտիկների փողոցում անհրաժեշտ է փրկարարների օգնությունը: Նախնական տվյալներով կա 3 զոհ և 5 տուժած:
Ժամը 13:36-ին հերթապահ օպերատիվ խումբը մեկնել է կանչի վայր՝ օգնություն ցուցաբերելու նպատակով:
Տեղ հասնելով՝ պարզվել են, որ Ստեփանակերտ քաղաքի Ազատամարտիկների 50ա հասցեի բնակիչներ Գարի Գալոյանը, Ռեգինա Գալոյանը և Թամարա Գալոյանը դժբախտ պատահարի հետևանքով մահացել են:
ԶԼՄ–ների տվյալներով` մահվան պատճառը շմոլ գազից թունավորումն է եղել։