ԵՐԵՎԱՆ, 8 ապրիլի — Sputnik. Սիրիական բանակի կողմից թունավոր նյութերի կիրառման մասին տեղեկատվության տարածումը կազմակերպել է Վաշինգտոնը` ահաբեկիչներին արդարացնելու և կառավարական ուժերի ուղղությամբ հարվածելու համար պատճառներ գտնելու նպատակով։ Ըստ ՌԻԱ Նովոստիի` այդ մասին տեղեկացրել է Ռուսաստանի ԱԳՆ-ն։
«Առաջին նման տեղեկությունը` իբրև քիմիական զենքով Դուման գրոհելու մասին, հայտնվել էր երեկ` չարաբաստիկ «Սպիտակ սաղավարտներ» ոչ կառավարական կազմակերպության վրա հղումներով, որին բազմիցս են մերկացրել ահաբեկիչների հետ ունեցած կապի համար»,- հայտնել են ռուսաստանյան դիվանագիտական կառույցում։
Սիրայում հակամարտող կողմերին հաշտեցնող ռուսական կենտրոնի ղեկավար գեներալ-մայոր Յուրի Եվտուշենկոն հայտարարել է, որ արևելյան Ղութայում քիմիական զենքի կիրառման մասին տեղեկությունները միտված են Դումայից Սիրական բանակի կողմից «Ջեյշ-ալ-Իսլամի» գրոհայիններին դուրս բերելու գործողությունը ձախողելուն։
Հիշեցնենք, որ սիրական պետական գործակալությունը պաշտոնական Դամասկոսում անանուն աղյուրի վրա հղում կատարելով` հայտնել էր, թե «Ջեյշ-ալ-Իսլամի» գրոհայինները քիմիական ահաբեկչության մասին տեղեկատվական գրոհ են կազմակերպել` կառավարական զորքի առաջխաղացմանը խանգարելու համար։