ԵՐԵՎԱՆ, 6 ապրիլի — Sputnik. Ռուսաստանի ամենահեղինակավոր պրոդյուսերներից մեկը` Մաքս Ֆադեևը Instagram–ի իր էջին Հայաստանի, Բելառուսի, Ղազախստանի և Ռուսաստանի դրոշների ֆոնին արված լուսանկար է հրապարակել։
Երաժիշտը պարզաբանել էիր քայլը։
Ֆադեևին պատկանող MALFA լեյբլի գրասենյակը գնալով մեծանում ու ընդլայնվում է։
«Մեզ մոտ աշխատում են մարդիկ տարբեր երկրներից, իսկ թե որ` կարող եք տեսնել լուսանկարի վրա։ Որոշեցի տեղադրել ազգային դրոշներն ի նշան յուրաքանչյուր երկրի նկատմամբ հարգանքի։ Որպեսզի մենք հիշենք մեր արմատները», – լուսանկարը մակագրել է Ֆադեևը։
Երաժիշտը համոզված է, որ դրոշներն ավելանալու են։ Ֆադեևն ընդգծել է, որ իր երաժիշտների երգերը լսում են աշխարհի գրեթե բոլոր երկրներում։
Նա վերջերս հայտարարել էր, որ սկսում է նոր ձևաչափով աշխատել` փոխելով բիզնես ռազմավարությունը. այժմ նա առցանց հարթակներ է ստեղծում նոր արտիստների համար, որտեղ յուրաքանչյուրը կարող է կիսվել իր ստեղծագործության դեմո տարբերակով և ստանալ Ֆադեևի կարծիքը։