ԵՐԵՎԱՆ, 4 ապրիլի — Sputnik. «Պերսևսը երեխաների համար» առևտրի կենտրոնում բռնկած հրդեհի հետևանքով մեկ մարդ է մահացել։ Այս տեղեկությունը հաստատում է ՌԴ ԱԻՆ-ը։ Գերատեսչության տվյալներով` մահացողն առևտրի կենտրոնի աշխատակից է։ Mash տելեգրամ-ալիքը հաղորդում է նրա անունը` 45-ամյա Ալեքսեյ Կարպովը։
Տուժածների թիվը հասել է չորսի։
Հիշեցնենք, որ «Պերսևսը երեխաների համար» առևտրի կենտրոնում հրդեհը բռնկել է այսօր ցերեկը։ Հրդեհը 2-րդ աստիճանի բարդության է։ Տարհանվածների մասին տվյալները տարբեր են` 115-ից մինչև մի քանի հարյուր մարդ։
Որոշ տվյալներով` հրդեհը բռնկել է առևտրի կենտրոնի 4-րդ հարկում` խաղալիքների պահեստում։
Դեպքը տեղի է ունեցել Կեմերովոյի ողբերգությունից հետո առևտրի կենտրոններում իրականացվող զանգվածային ստուգումների ֆոնին։