ԵՐԵՎԱՆ, 3 ապրիլի — Sputnik. Ֆրանսիացի ինժեներների ստեղծած նոր ռոբոտը կարողանում է ահաբեկիչներին չեզոքացնլու «սև աշխատանքն» իր ուսերին վերցնել։ Nexter Robotics ընկերության մոդելները ներկայացվել են Երևանում տեղի ունեցած ArmHiTec պաշտպանական տեխնոլոգիաների ցուցահանդեսի ժամանակ։
Ռոբոտը կազմված է «մարմնից», որը վեբ-տեսախցիկներով ապահովված շարժական հարթակ է։ Դրա վրա կարելի է «գլուխներ» տեղադրել, օրինակ` քիմիական միջոցների կամ պայթուցիկների դետեկտոր։ Իսկ եթե անիվները փոխարինվեն թրթուրավոր շղթայով, ապա ռոբոտը կարող է տեղաշարժվել ոչ միայն հարթ մակերեսով, այլև թեք տարածքներով կամ աստիճաններով։ Այս մասին ասում է ընկերության փոխտնօրեն Ժոել Մորիյոնը։
Ռոբոտին հնարավոր է կառավաել մինչ մեկ կիլոմետր հեռավորությունից։ Օպերատորը կառավարում է նրա բոլոր շարժումներն ու հաղորդող սարքերին ուղարկվող տեղեկություններներն է վերահսկում։
«Ռոբոտի գլխավոր նպատակը փրկարարներին և ուժայիններն պաշտպանելն է, նրանց փոխարեն սկզբնական շրջանում վտանգավոր կետեր են ուղարկվում ռոբոտները` հետախուզելով տարածքը», —նշեց Մորիյոնը։Այդպիսի ռոբոտներ օգտագործվում են Ֆրանսիայի բոլոր հակաահաբեկչական ընկերություններում։
Երևանում մարտի 29-31-ն անցկացվեց պաշտպանական տեխնոլոգիաների «ArmHiTec-2018» միջազգային երկրորդ ցուցահանդեսը։ Բացի հայկական ընկերություններից, ցուցահանդեսին մասնակցում էին 30 ընկերություններ 14 երկրից, այդ թվում` ռուսաստանյան «Ռոսոբորոնէքսպորտ», «Կոնցեռն ՎԿՈ », «Ալմազ-Անտեյ», «Տեխմաշ», «Պրիբոր», «Ուրալվագոնզավոդ», «ՌՍԿ «ՄԻԳ» բաժնետիրական ընկերությունները։