ԵՐԵՎԱՆ, 2 ապրիլի — Sputnik. Վերջին երեք տարվա ընթացքում Սևանում խեցգետինների քանակը կրկնակի կրճատվել է։ Գլխավոր պատճառը չինական ծալովի որսագործիքներն են։ Այս մասին այսօր կայացած մամուլի ասուլիսի ժամանակ ասաց Գիտությունների ազգային ակադեմիայի Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը։
Այս հարցը նախորդ տարի քննարկվել էր Հայաստանի կառավարության հերթական նիստի ժամանակ։ ՀՀ վարչապետ Կարեն Կարապետյանը հանձնարարել էր բնապահպանության նախարար Արծվիկ Մինասյանին բացառել որսի ժամկետների երկարացման դեպքերը, մշակել ու կառավարության աշխատակազմ ուղարկել թույլատրելի ծավալների վերաբերյալ առաջարկությունները։
Մասնագետի խոսքով` հայկական խեցգետինների համար ամենամեծ սպառնալիքը չինական ծալովի որսագործիքների օգտագործումն է։
«Սխալ գործիքի օգտագործման դեպքում հանվում է նաև մանր խեցգետինները։ Միաժամանակ պոպուլյացիան չի վերականգնվում»,- ասաց Ղուկասյանը։
Չնայած խեցգետինների հետ կապված ցավալի, ընդհանուր առմամբ ձկան պոպուլյացիան լճում զգալիորեն աճել է սիգի պաշարների մեծացման հաշվին։ Սիգի արդյունագործական տեսակը հավասարվել է 554 տոննայի, ծածանի պաշարները 47 տոննա են կազմում, իսկ իշխան ձկնատեսակը՝ 15-17 տոննայի սահմաններում են:
«Կարելի է թույլ տալ սիգը որսալ միայն այն բանից հետո, երբ սիգի պաշարները հասնեն 1000 տոննայի». — պարզաբանեց Ղուկասյանը։
Նա նաև ընդգծեց, որ տաք ձմռան ու Հայաստանի ջրամբարներում ջրի պակասի հետևանքով, ամենայն հավանականությամբ, Սևանից ջուր վերցնելու կարիք կլինի, ինչի հետևանքով լճի մակարդակը կիջնի։
Հիշեցնենք` ՀՀ բնապահպանության նախարար Արծվիկ Մինասյանի հանձնարարականով 2017 թ. դեկտեմբերի 20-ից մինչև 2018 թ. հունվարի 15-ը Սևանա լճում ձկան և խեցգետնի որսը։