Քյոլնում անցկացվող Ռեկբիի Եվրոպայի առաջնությունը պատմության մեջ կհիշվի նաև կազմակերպիչների զավեշտալի սխալով։
Ռուսաստանի և Գերմանիայի հավաքականների խաղից առաջ մարզադաշտի աշխատակիցները Ռուսաստանի օրհներգի փոխարեն սխալմամբ միացրել են ԽՍՀՄ օրհներգը։ Սակայն դա չի շփոթեցրել Ռուսաստանի հավաքականի խաղացողներին. մարզիկներից ոմանք սկսել են երգել խորհրդային տարբերակը, մյուսներն էլ` այսօրվա օհներգը։
Այնուհետև ռուս մարզիկները հիանալի խաղ են ցուցադրել` գերմանացիներին հաղթելով 57:3 հաշվով։
Ռուսաստանի հավաքականը 4-րդ տեղն է զբաղեցրել, հաղթող է ճանաչվել Վրաստանի հավաքականը։