ԵՐԵՎԱՆ, 29 մարտի — Sputnik. ՀՀ քննչական կոմիտեի վարույթում քննվող քրեական գործի նախաքննությամբ պարզվել է, որ 2017-2018թթ. մի խումբ անձինք պատրաստել և վաճառել են պաշտոնական կեղծ փաստաթղթեր: Այս մասին նշված է ՀՀ քննչական կոմիտեի կայքում։
Կասկածյալների բնակարաններում կատարված խուզարկությունների ընթացքում հայտնաբերվել են կեղծ կնիքներ, ամուսնական կեղծ վկայականներ, ուսումնական հաստատությունների կեղծ ատեստատներ, դիպլոմներ, վարորդական իրավունքի կեղծ վկայականներ, բանկերի և իրավապահ տարբեր մարմինների կեղծ տեղեկանքներ։
Կատարված բացահայտումների փաստով վեց անձի մեղադրանք է առաջադրվել։
Նախաքննությունը շարունակվում է։