ԵՐԵՎԱՆ, 24 մարտի — Sputnik. Ալավերդի քաղաքի բնակարաններից մեկի երրորդ հարկից ընկած 2 տարեկան Մարիետային փրկելու համար պայքարում են Երևանի բժիշկները։
Փոքրիկն այս պահին «Սուրբ Աստվածամայր» բժշկական կենտրոնի վերակենդանացման բաժանմունքում է։ Այս մասին Sputnik Արմենիային հայտնեցին բուժհաստատությունից։ Բժիշկների խոսքով` նրա վիճակը շատ ծանր է։
Նշենք, որ դեպքը տեղի է ունեցել մարտի 21-ին։ Մարիետային Ալավերդու բժշկական կենտրոն են տեղափոխել Ալավերդի քաղաքի Ջրավազանի փողոցի 2-րդ շենքի բակից։ Ավելի ուշ փոքրիկին տեղափոխել են Երևան։