ԵՐԵՎԱՆ, 23 մարտի — Sputnik. ««Ալմազ Անթեյ» կոնցեռն ՎԿՕ» բաժնետիրական ընկերությունը կցուցադրի իր ձեռնարկությունների տեխնոլոգիական հնարավորությունները և արտադրանքը «ԱրմՀայՏեք 2018» սպառազինությունների պաշտպանական տեխնոլոգիաների երկրորդ միջազգային ցուցահանդեսում։ Այդ մասին հաղորդում է կոնցեռնի մամուլի ծառայությունը։
Միջոցառումը կանցկացվի մարտի 29-31-ը «ԵրևանԷքսպո» ցուցահանդեսային համալիրում։
Կոնցեռնի միավորված ցուցադրության ժամանակ կներկայացվի տեղեկատվություն` C-400 «Տրիումֆ» զենիթահրթռիային համակարգերի, С-300ВМ «Անթեյ 2500», С-300ПМУ2 «Ֆավորիտ», «Բուկ-М2Э», «Տոր-М2Э», «Տոր-М2К» և «Տոր-М2КМ» միջին և փոքր հեռահարության զենիթահրթիռային համալիրների, «Տոր-М2Э» ԶՀՀ-ի կազմի մեջ մտնող թրթուրավոր շոսիներով 9А331МЭ մարտական մեքենայի 9Ф678М օպերատորի, «Տունգուսկա —M1» զենիթային թնդանոթային-հրթիռային արդիականացված համակարգի և «Շիլկա-M4» ЗСУ-23-4 զենիթային ինքնագնաց սարքի մասին տեսահոլովակների և տեսապաստառների, մոդելների տեսքով։
Բացի այդ, կոնցեռնի տաղավարի այցելուները կարող են ծանոթանալ 55Ж6МЕ ռադիոլոկացիոն բազմաֆունկցիոնալ նոր համալիրի, 55Ж6УМЕ հերթապահ ռեժիմի շարժական ռադիոլոկացիան կայանի, «Նեո-ՍՎՈՒ» հերթապահ ռեժիմի շարժական ՌԼԿ-ի, 1Л122Е եռակորդինատ փոքր ՌԼԿ-ի, 1Л125Е շարժական եռակորդինատ ՌԼԿ-ի, ինչպես նաև «Բարիեր-Ե» եզակի ՌԼԿ-ի մասին տեղեկատվությանը։
Քաղաքացիական և կրկնակի նշանակության արտադրանքի բաժնում կցուցադրվեն «Սովա» օբյեկտների պահպանության ՌԼԿ-ի բնական նմուշը, ինչպես նաև «Լիրա-Ա10» օդանավակայանային ՌԼԿ-ի, «Սոպկա-2» նոր ՌԿԼ-ի, նոր սերնդի «ԴՄՌԼ-Ս» օդերևութաբանական ռադիոլոկատորի մոդելները։
««Ալմազ Անթեյ» կոնցեռն ՎԿՕ»-ն` որպես ՀՕՊ համալիրների ու միջոցների հիմնական մշակող և արտադրող, ռազմական նշանակության առաջավոր արտադրանքից բացի «ԱրմՀայՏեք 2018»-ում կներկայացնի արդիականացման և ավելի վաղ թողարկված տեխնիկայի շահագործման ուղեկցության ոլորտում գիտատեխնիկական ձեռքբերումները, ինչպես նաև օտարերկրացի մասնագետներին ուսուցանելու հնարավորությունները», — մամուլի ծառայությունը ներկայացրել է հոլդինգի պատվիրակության ղեկավար, կոնցեռնի գլխավոր տնօրենի արտաքին տնտեսական գործունեության հարցերի տեղակալ Վյաչեսլավ Ձիրկալնայի ասածը։
Նրա խոսքով` միջոցառման շրջանակում պատվիրակության անդամները մի շարք հանդիպումներ կունենան և բանակցություններ կվարեն պետական կառույցների ներկայացուցիչների, հոլդինգի արտադրանքի պոտենցիալ պատվիրատուների հետ։ Հոլդինգի արտադրանքի մեջ մտնում են նաև նաև պահեստամասերը, ՀՕՊ միջոցների զննություն, տեխնիկական սպասարկում, վերանորոգում, արդիականացում և վերացում իրականացնելու ծառայությունները։ Հոլդինգի մասնագետները բանակցություններ կանցկացնեն նաև կոնցեռնի արտադրության օդային շարժման կազմակերպության համակարգերի և միջոցների պոտենցիալ պատվիրատուների հետ։
««ԱրմՀայՏեք 2018» ցուցահանդեսում մենք կանխատեսում են արտասահմանյան պատվիրատուների մեծ հետաքրքրություն զենիթահրթիռային համակարգերի և ցամաքային տեղակայման համալիրների, ինչպես նաև մեր քաղաքացիական և կրկնակի նշանակության արտադրանքի նկատմամբ, որն իր եզակի բնութագրերի շնորհիվ ունի արտահանման բարձր ներուժ», — նշել է Ձիրկալնը։
«Ալմազ-Անթեյ» կոնցեռնն առևտուր իրականացնելու իրավունք ունի արտաքին նշանակության ապրանքների վերջնական նմուշների առաքման ոլորտում` ռազմատեխնիկական համագործակցության զարգացման մասին միջպետական պայմանագրերի շրջանակում, ինչպես նաև կարող է սպասարկել ավելի վաղ առաքված արտաքին նշանակության ապրանքները, երկարացնել նախկինում արտադրված արտադրանքի ծառայության ժամկետը, վերանորոգել, արդիականացնել և չեզոքացնել դրանք։
««Ալմազ-Անթեյ» կոնցեռն ՎԿՕ» բաժնետիրական ընկերությունը ռուսական պաշտպանական-արդյունաբերական համալիրի (ՊԱՀ) ամենամեծ ինտեգրված միավորումներից է, որտեղ աշխատում է մոտ 130 հազար մարդ։ Հոլդինգը երրորդ տարին շարունակ 11-րդ տեղն է զբաղեցնում ՊԱՀ 100 խոշորագույն համաշխարհային ընկերությունների Defense News վարկանիշում, որոնց շարքում են Boeing, Lockheed Martin, Raytheon, General Dynamics, Northrop Grumman, BAE Systems, Thales, EADS, IAI։ Կոնցեռնի արտադրանքը կիրառվում է աշխարհի ավելի քան 50 երկրում։