ԵՐԵՎԱՆ, 22 մարտի — Sputnik. ՀՀ նախագահ Սերժ Սարգսյանի հրամանագրով գեներալ-լեյտենանտ Հայկազ Բաղմանյանը նշանակվեց ՀԱՊԿ միացյալ շտաբի պետի տեղակալ։ Այս մասին նշված է ՀՀ նախագահի պաշտոնական կայքում։
«Գեներալ-լեյտենանտ Հայկազ Բաղմանյանին նշանակել Հավաքական անվտանգության պայմանագրի կազմակերպության միացյալ շտաբի պետի տեղակալ` կնքելով զինվորական ծառայություն անցնելու մասին նոր պայմանագիր` երեք տարի ժամկետով»,- նշված է հրամանագրում։
ՀՀ նախագահը հրամանագիրը ստորագրել է այսօր` մարտի 22-ին։