Իրանագետը հիշեցնում է, որ Իրանի քաղաքական գործիչները բազմիցս շեշտել են Հայաստանի կապող օղակ լինելու հանգամանքը ոչ միայն ԵԱՏՄ–ի երկրների, այլ նաև Եվրամիության երկրների հետ։
«Իրանն այնպիսի քաղաքականություն է վարում, որ Ադրբեջանի հետ իրականացրած ծրագրերը չեն խանգարի Հայաստանին հետ նախագծերի իրականացմանը։ Բայց նաև ադրբեջանաիրանական շփումներում բազմաթիվ հարցականներ կան, որովհետև Ադրբեջանում այնպիսի հակաիրանական ուժեր են գործում, ինչպիսին են Իսրայելն ու Սաուդյան Արաբիան։ Պարզապես, Ադրբեջանի հետ որոշակի ծրագրեր իրականացնելով` Իրանը փորձում է բալանսավորել այն հակաիրանական ներուժը, որն առկա է Ադրբեջանում»,–ասում է Վարդանյանը։
Նրա խոսքով` ինչքան էլ շեշտվի երկաթուղու կարևորությունը, մինչև այժմ դրա կառուցման մեկնարկը տված չէ, և նախատեսվում է այն գործարկել ընդամենը 4 տարի անց։