Սերժ Սարգսյանը վարչապետ դառնալու հավակնություն չունի: Երեկ մամուլում ՀՀ գործող նախագահի միտքն այսօր լրագրողների հետ զրույցում կրկնեց ԱԺ փոխնախագահ, ՀՀԿ խոսնակ Էդուարդ Շարմազանովը:
«Նա այն պետական գործիչն է, որն իր անձնական հավակնությունները միշտ ավելի ցածր է դասել, քան պետության շահը», — ասաց Շարմազանովը` հավելելով, որ ՀՀԿ-ում դեռևս վարչապետի թեկնածուի վերաբերյալ քննարկումներ չեն եղել, բայց վստահեցրեց` ՀՀԿ-ի որոշումը կբխի բացառապես ՀՀ շահերից:
«Մեր որոշումը կբխի այն գործչի առաջադրմամբ, որը լավագույնս կկարողանա իրականացնել Սահմանադրությամբ վարչապետին տրված լիազորությունները», — ասաց ԱԺ փոխնախագահը:
Հիշեցնենք` ՀՀ նախագահ Սերժ Սարգսյանը երեկ իր հարցազրույցում չէր բացառել, որ կարող է ընդունել վարչապետի թեկնածու դառնալու առաջարկը` բայց նախապայմանով, որ սահմանադրական լիազորությունների իրականացմանը զուգահեռ ավելի շատ ժամանակ կհատկացնի իր փորձը Հայաստանի երիտասարդ քաղաքական լիդերներին փոխանցելուն: