ԵՐԵՎԱՆ, 13 մարտի — Sputnik. Հայաստանի մուայթայի ֆեդերացիայի մարզիկ, աշխարհի ու Եվրոպայի չեմպիոն Ալբերտ Ամիրջանյանը հերթական հաղթանակն է տոնել: Նա Վալենսիայում կայացած Mix fight հեղինակավոր մրցաշարում հաղթել է մարոկկացի Սուֆիան Բեն Զերուկին:
Հաղթանակի շնորհիվ Ամիրջանյանն իրավունք է ստացել մասնակցել աշխարհահռչակ «Golden Glory» մրցաշարին:
Ալբերտը մայիսին Հայաստանի մուայթայի հավաքականի հետ մեկնելու է Մեքսիկա՝ մասնակցելու աշխարհի առաջնությանը: