ԵՐԵՎԱՆ, 12 մարտի — Sputnik. Հայաստանի հավաքականի ավագ, «զինագործների» կիսապաշտպան Հենրիխ Մխիթարյանը Whoscored.com–ի վարկածով «Արսենալ»–«Ուոթֆորդ» խաղի լավագույն խաղացողն է։
Ֆուտբոլային խաղերի վիճակագրական տվյալների վերլուծությամբ զբաղվող պորտալը Հենրիխի խաղը հավանական 10 միավորից 8,79 միավոր է գնահատել։
Հիշեցնենք, որ Մխիթարյանը այդ խաղում դարձավ գոլի և գոլային փոխանցման հեղինակ:
Խաղն ավարտվեց 3:0 հաշվով` զինագործների հաղթանակով։
Ավելի վաղ «Whoscored»–ը հայ ֆուտբոլիստին լավագույն խաղացող էր ճանաչել նաև Եվրոպայի լիգայի 1/8 եզրափակիչ փուլի «Միլանի» հետ արտագնա խաղում (2:0):