«Հայաստանի իշխանությունները բավական ցավագին են ընդունում նման հայտարարությունները, ինչպես ժամանակին ընդունեցին Պյոտոր Սվիտալսկու հայտարարությունը։ Գալուստ Սահակյանն անգամ հեգնեց ԱՄՆ դեսպանին, ասելով` թող ցույց տա, որտեղ է կոռուպցիան։ ԱՄՆ դեսպանի փոխարեն ես լինեի, կասեի` այն 2 պաշտոններում, որոնք զբաղեցնում են ձեր տղաները։ Եթե որևէ պաշտոնյա քննադատեր Հայաստանին և ասեր, ասենք` Հայաստանը քայլեր չի անում հայ–թուրքական հարաբերությունների կարգավորման հետ կապված, ես դա կհամարեի սուբյեկտիվ կարծիք։ Տվյալ դեպքում Հայաստանի հիմնական խնդիրը կապված է կոռուպցիայի հետ։ Այս քննադատությունները օբյեկտիվ են, անկախ այն բանից դիվանագետը դա ասում է ցավով, թե ճնշում գործադրելու համար»,–նշում է Ավետիք Իշխանյանը։
Միջազգային կառույցների կողմից կոռուպցիայի դեմ պայքարի համար տրամադրվող գումարների քայլը իրավապաշտպանը համարում է միամտություն, որովհետև կոռուպցիայի դեմ պայքարի համար ոչ թե գումարներ են պետք, այլ քաղաքական կամք։ Բայց երբեք ոչ ոք քաղաքական կամք չի դրսևորի ինքն իր դեմ պայքարելու համար։