Աշխարհի ամենասև շենքը կուլ է տալիս լույսը

Հարավկորեական Փհենչհան քաղաքում հայտնվել է պատմության մեջ ամենասև շենքը: Բառի բուն իմաստով:

Ճարտարապետ Ասիֆ Կհանին հանձնարարվել է 2018թ-ի ձմեռային օլիմպիական խաղերի կապակցությամբ ստեղծել Hyundai Pavilion շենքը՝ 10 մետր բարձրությամբ և 35 մետր երկարությամբ զուգորդական պատերով և պատել այն ամենասև նյութով՝ Vantablack VBx 2-ով:

Հետաքրքիրն այն է, որ շենքը ներսից բացարձակ սպիտակ է, ինչի հաշվին ֆանտաստիկ հակադրություն է ստեղծվում:

Ներսում ամեն ինչ լուսավորված է վառ լույսերով, իսկ քարե առվակների ձևով ինստալյացիաները, որոնցով ամեն րոպե կոմպոզիցիայի կենտրոն են հոսում ջրի 25 հազար կաթիլներ, կատարյալ վայր է հանգստանալու, մեդիտացիայի կամ պարզապես գեղեցկությամբ հիանալու համար:

Ինստալյացիայի մեջ ներկառուցված հաղորդիչները թույլ են տալիս այցելուներին փոխազդեցության մեջ մտնել դրա հետ՝ փոխելով շարժման ռիթմը և կաթիլների բախումը:

Հարավային Կորեայի սև շենքում

Դիզայների խոսքով՝ կոմպոզիցիան մարմնավորում է քաղաքը, որը երևում է տիեզերքից:

Տաղավարը կառուցվել է Hyundai Motor-ի պատվերով, սա մարդկանց շարժունությունը բարելավելու նախագծի մաս է:

Շենքի սև ճակատը մարմնավորում է տիեզերքի ընդարձակությունը, իսկ ջրային ինստալյացիան՝ ջրածնի մոլեկուլները, որոնք բախվում են միմյանց, ինչպես ընկերության նոր ավտոմեքենայում:

Vantablack VBx 2 նյութը, որը կլանում է տեսանելի լույսի 99 տոկոսը, արտադրել է NanoSystems ընկերությունը:

Ճարտարապետական կառույցները կարող են նույնքան ոգեշնչող լինել, որքան գեղանկարչությունը, երաժշտությունը և գրականությունը:

Ասիֆ Կհանը առաջին անգամ չէ, որ ճարտարապետական օբյեկտներ է ստեղծում օլիմպիական խաղերի համար:

Չորս տարի առաջ նա Սոչիում ստեղծել է «Թվային դարաշրջանի Ռաշմորի լեռը» տաղավարը։ Շենքի ճակատի վրա պրոյեկտվել են այցելուների դեմքերի 3D մոդելները։

Թեև Vantablack–ն իսկապես տպավորիչ է, այդուհանդերձ շինարարները շատ են տանջվել, որպեսզի դրանով պատեն շենքի մակերեսը։