ԵՐԵՎԱՆ, 6 մարտի – Sputnik. Նախագահ Սերժ Սարգսյանը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին՝ Սիրիայի «Հմեյմիմ» օդանավակայանում վայրէջքի ժամանակ ռուսական Ան-26 ինքնաթիռի վթարի կապակցությամբ: Նախագահ Սարգսյանը խնդրել է անձամբ իր և հայ ժողովրդի անունից զոհվածների հարազատներին փոխանցել խորը ցավակցություններ և կարեկցանքի խոսքեր:
Հիշեցնենք, որ այսօր ժամը 15։00-ի սահմանում Սիրիայի Հմեյմիմ բազայում վայրէջքի ժամանակ կործանվել է ռուսական ԱՆ-26 տրանսպորտային ինքնաթիռը։ Նախնական տվյալով` մահացել են 26 ուղևորներն ու անձնակազմի 6 անդամները։