«Վարչապետի ընտրության օրը կնշանակվի կանոնակարգին համապատասխան։ Եվ որևէ խախտում որևէ մեկը թույլ չի տա։ Ինչ վերաբերում է հավանական թեկնածուին, ապա մեզ համար դա դեռ պարզ չէ, մենք այդ հարցը չենք քննարկել։ Ընդդիմությունը պարբերաբար բարձրաձայնում է Սերժ Սարգսյանի անունը։ Եթե ընդդիմությունը համոզված է դրանում, գուցե իրենք են առաջադրում Սերժ Սարգսյանին։ Մենք նման որոշում չունենք։ Եթե իրենք առաջարկեն, մենք կքննարկենք այդ հարցը»։
Վահրամ Բաղդասարյանը հորդորում է դեպքերից ու ժամանակից առաջ չընկնել, զինվել համբերությամբ։ Ժամանակը կգա, և բոլորս կհամոզվենք, որ վարչապետի թեկնածուի առաջադրման հարցում որևէ ինտրիգ չկա` ամեն ինչ արվում է Սահմանադրությանը և կանոնակարգ օրենքին համապատասխան։