ԵՐԵՎԱՆ, 5 մարտի — Sputnik. Լոս Անջելեսի «Դոլբի» կինոթատրոնում անցկացվող մրցանակաբաշխության ժամանակ «Օսկարի» արժանացավ Գիլերմո դել Տորոյի «Ջրի ձևը» ֆիլմը։
Մեքսիկացի Գիլերմո դել Տորոն էլ լավագույն ռեժիսոր ճանաչվեց:
Լավագույն դերասան ճանաչվեց Գարի Օլդմանը, որը «Մութ ժամանակներ» ֆիլմում մարմնավորել է Ուինսթոն Չերչիլին։
«Լավագույն դերասանուհի» անվանակարգում հաղթեց Ֆրենսիս ՄքԴորմանդը՝ «Երեք գովազդային վահանակ Էբինգի սահմանին, Միսուրի» ֆիլմում խաղացած դերի համար։
«Օսկար» մրցանակաբաշխությունը վարում է Ջիմի Քիմմելը: