ԵՐԵՎԱՆ, 3 մարտի — Sputnik. Լոռու մարզի Գուգարք գյուղում հայտնաբերվել է 65-ամյա տղամարդու դի։ Այս մասին հայտնում է shamhyan.com-ը։
Դեպքը տեղի ունեցել երեկ՝ մարտի 2-ին։ Ժամը 10։00-ի սահմանում Վանաձոր շտապօգնության կայանից հերթապահ խումբը Ոստիկանության Գուգարքի բաժին ահազանգել է, որ կանչով մեկնել են Գուգարք գյուղի 10-րդ փողոցի տներից մեկը, որտեղ բակում մետաղե սյունից պարանով կախված տղամարդու դի են հայտնաբերել։
Ոստիկաններն ու քննիչները նշված տան երկրորդ հարկի պատշգամբում հայտնաբերել են նույն տան բնակիչ՝ 65-ամյա Պետրոս Ս.-ի դին։
Տան սեղանին հայտնաբերել են նամակ, որտեղ գրված է եղել. «Նման ցավերով և ներվերով անիմաստ է ապրել։ Շատ ստոր և անպատվաբեր արարք եմ կատարում»։
Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել։