ԵՐԵՎԱՆ, 2 մարտի — Sputnik. ԱՄՆ նախագահ Դոնալդ Թրամփը մեկ տարով երկարացրել է Ուկրաինայի պատճառով նախաձեռնած Ռուսաստանի դեմ պատժամիջոցները։ Այս մասին հայտնում է Սպիտակ տան մամուլի ծառայությունը։
Խոսքը 2014 թվականի մարտի 6-ին, մարտի 16-ին, մարտի 20-ին և դեկտեմբերի 19-ին Ռուսաստանի դեմ ԱՄՆ-ի կիրառած սահմանափակող գործողությունների ժամկետի երկարացման մասին է։
Թրամփը եկել է այն եզրակացության, որ բոլոր պատժամիջոցները «պետք է ուժի մեջ մնան նաև 2018 թվականի մարտի 6-ից հետո»։ Սահմանափակումները կգործեն «ևս մեկ տարի»։
Այսպիսի որոշում է ընդունվել, քանի որ Ուկրաինայի շուրջ ստեղծված իրավիճակը «շարունակում է սպառնալիք մնալ ԱՄՆ ազգային անվտանգության ու միջազգային քաղաքականության համար»։
Ստիպակ տունը տեղեկացրել է ԱՄՆ կոնգրեսի ներկայացուցիչների պալատի խոսնակ Փոլ Ռայանի համապատասխան որոշման մասին։