Արտակ Զեյնալյան
© Sputnik
«Եթե տեսականորեն վերանանք 6 տարի բացառապես ՀՀ քաղաքացի լինելու ցենզի պահպանված լինել-չլինելու հարցից, ապա կարծում եմ, որ նախագահի թեկնածուն, 2015թ-ի խմբագրմամբ, պիտի կարողանա ներկայացնել իր ծրագիրը Սահմանադրության իր լիազորությունների պահպանման լույսի ներքո»,- ասաց Զեյնալյանը։
Նա նաև նշեց, որ Արմեն Սարգսյանը պիտի կարողանա լինել պետության գլուխ, հետևի Սահմանադրության պահպանմանը, կարողանա իրացնել ՍԴ դիմելու իր լիազորությունն ու գիտակցի, թե ինչ է դա ենթադրում։
Սարգսյանը պետք է կարողանա «հավասարակշռել մեծամասնության քանակի ուժը փոքրամասնության ճշմարտության հետ», ինչպես նաև` համապետական ու համազգային շահերը, եթե դրանք ինչ-որ պատճառով հայտնվեն կշեռքի տարբեր նժարների վրա։