ԵՐԵՎԱՆ, 26 փետրվարի — Sputnik. Կառլոս Պատրիկ Հոհենցոլերը մահացել է` ընկնելով Ֆրանկֆուրտի InterContinental հյուրանոցի 21-րդ հարկից։ Այս մասին հայտնում է FAZ-ը։
Արքայազնը հին գերմանական տոհմի ներկայացուցիչ էր։ Այդ տոհմի մասին առաջին հիշատակումը եղել է 1061 թվականին։
Աղբյուրի համաձայն` ոստիկանությունն այդ դեպքը դժբախտ պատահար է համարում։ Սակայն վարկածներից մեկի համաձայն` նրան հնարավոր է սպանել են։
Դեռ 2014 թվականին Հոհենցոլերը չորս տարի ազատազրկման էր դատապարտվել` ութ միլիոն եվրո գումարի խարդախության համար։ Նախորդ հուլիսին նա բանտում է անցկացրել ժամկետի մեկ երրորդը, որից հետո վաղաժամկետ ազատվել է։
Փետրվարի 23-ին արքայազնին կարճ ժամկետով ազատ են արձակել։ Բանտի աշխատակիցները նշել են, որ բանտարկյալը ազատազրկման վայրում լինելու ընթացքում հոգեբանական օգնության չի դիմել։