ԵՐԵՎԱՆ, 25 փետրվարի —Sputnik. Փհենչհանի Օլիմպիական խաղերի արծաթե մեդալակիր, ռուս գեղասահորդուհի Եվգենյա Մեդվեդևան մտադիր չէ դադար վերցնել։
Գեղասահորդուհին հայտնել է Պեկինի Օլիմպիադային մասնակցելու իր ցանկության մասին։
«Ես ուզում եմ ևս մեկ օլիմպիական շրջափուլի մասնակցել», — հայտնել է Մեդվեդևան։
Փհենչհանում անցկացվող 2018 թվականի Օլիմպիական խաղերում աշխարհի կրկնակի չեմպիոնը հաղթել է գեղասահքի թիմային մրցաշարի կարճ ծրագրում։ Աղջիկը 81.06 միավոր է հավաքել, ինչը ռեկորդային արդյունք է։
Սակայն Օլիմպիական ոսկին կանանց մենասահքում բաժին հասավ Եվգենյայի ընկերուհուն` Ալինա Զագիտովային։ 15-ամյա մարզուհին 239.57 միավոր էր հավաքել, իսկ Մեդվեդևան 238.26 միավոր։ Ելույթից հետո Եվգենյան չկարողացավ զսպել արցունքները։