Ուղևորներից մեկի մահվան պատճառով ինքնաթիռը հարկադիր վայրէջք է կատարել

ԵՐԵՎԱՆ, 24 փետրվարի – Sputnik. Ուղևոր կանանցից մեկը հանկարծամահ է եղել, և Մոսկվա-Աստրախան չվերթն իրականացնող ինքնաթիռը ստիպված է եղել հարկադիր վայրէջք կատարել Վոլգոգրադում։ Այս մասին հայտնում է ՌԻԱ Նովոստին։

Ինքնաթիռը հարկադիր վայրէջք է կատարել փետրվարի 24-ին, Մոսկվայի ժամանակով 0։14-ին։

Մահացածը տարեց կին է եղել։ Ոստիկանությունը դեպքը գրանցել է։ Ստուգումներ իրականացնելու համար նյութերը կփոխանցվեն քննիչներին: