Առաջնային օգնության ցավազրկողներն ու ջերմիջեցնողները հիմնականում առանց դեղատոմսի վաճառվող դեղեր են, նշում է Անահիտ Մկրտչյանը։
«Օրվա ցանկացած պահի քաղաքացին կարող է ձեռք բերել առաջին անհրաժեշտության ցավազրկող և ջերմիջեցնող դեղեր, որոնք վաճառվում են առանց դեղատոմսի։ Դրա համար բժշկի մոտ գնալու կարիք չկա։ Եթե քաղաքացին սովորական գլխացավ ունի, կարող է գնել պարացետամոլ, իբուպրոֆեն և այդ շարքի այլ դեղեր»,- նշում է նա։
Հայաստանում գրանցված 4600 անուն դեղամիջոցներից 2700-ը դեղատներում կվաճառվի միայն դեղատոմսով։
«Այդ դեղամիջոցները հիմնականում ավելի սուր հիվանդությունների ժամանակ են օգտագործվում և ավելի սուր հակացուցումներ ունեն։ Դրանք պետք է անպայման բժիշկը նշանակի»,- ասում Մկրտչյանը։
Նրա խոսքով` կկիրառվի նաև դեղատոմսի նոր ձևաթուղթ (բազմակի օգտագործման), որը նախատեսված է վեց ամսվա համար։