ԵՐԵՎԱՆ, 19 փետրվարի — Sputnik. Ստամբուլում ընթացող թեթև աթլետիկայի Բալկանյան երկրների ձմեռային առաջնության եռացատկի մրցումներում առաջին տեղը գրավեց թեթևատլետ Լևոն Աղասյանը։ Այս մասին հայտնում է Հայաստանի թեթև աթլետիկայի ֆեդերացիան։
Աղասյանը եռացատկի մրցումներում 16.35 մետր արդյունքով արժանացավ ոսկե մեդալի:
Նշենք, որ հայ մարզիկը երկրորդ անգամ անընդմեջ հաղթում է Բալկանյան երկրների ձմեռային առաջնությունում:
Հայ եռացատկորդը հետևում է թողել Բուլղարիայի պատվիրակներ Մոմչիլ Կարիլիևին (16.27) և Ռոմեն Դիմիտրովին (16.21):
Առաջնությանը մասնակցում են Հայաստանի 11 մարզիկ: