ԵՐԵՎԱՆ, 18 փետրվարի — Sputnik. «Սարատովյան ավիաուղիները» հերքել է Ան-148 ինքնաթիռի հրամանատարի ժամկետանց բժշկական վկայականի մասին տեղեկատվությունը։ Այդ մասին հաղորդվում է ավիափոխադրողի կայքում։
«Օդանավի հրամանատար Վալերի Գուբանովը չվերթը կատարել է՝ ունենալով բժշկական թռիչքային հանձնաժողովի 2018թ-ի փետրվարի 9-ի եզրակացությունը», — ասվում է հաղորդագրությունում։
Հիշեցնենք, որ փետրվարի 11-ին Մոսկվայի ժամանակով 14։21–ին «Դոմոդեդովո» օդանավակայանից դուրս գալուց 7 րոպե անց Ան-148 ինքնաթիռը, որը թռչում էր դեպի Օրսկ, կորել էր ռադարների տեսադաշտից։ Քիչ անց պարզ էր դարձել, որ օդանավը վայր է ընկել։
Օդանավում 71 մարդ է եղել, որից 65-ը` ուղևոր։ Բոլորը մահացել են։ Նրանց մեջ 2 հայ է եղել։