Վթարի է ենթարկվել քննչական կոմիտեի զինվորական քննչական գլխավոր վարչության բաժնի պետը

Ամուսիններին տեղափոխել են հիվանդանոց «ՈւԱԶ» և Grand Cherokee մակնիշների ավտոմեքենաների բախումից հետո։
Sputnik

ԵՐԵՎԱՆ, 14 փետրվարի — Sputnik. Երեկ՝ փետրվարի 13-ին, ավտովթար է տեղի ունեցել Գեղարքունիքի մարզում։ Ժամը 18։30-ի սահմանում Սևան-Մարտունի-Գետափ ավտոճանապարհի 9-րդ կմ հատվածում՝ Սևանի վարչական տարածքում, բախվել են Երևանի բնակիչ, 42-ամյա Սավիթ Ֆլջյանի վարած УАЗ 3163-175-10 մակնիշի 227 QC 01 համարանիշի և Գեղարքունիքի մարզի Մադինա գյուղի բնակիչ՝ 27-ամյա Արամ Ճռիկյանի վարած Grand Cherokee մակնիշի 34 VZ 869 համարանիշի ավտոմեքենաները։

Ինչպես հայտնում է shamshyan.com-ը, վթարի հետևանքով Ա. Ճռիկյանի ուղևորները՝ համագյուղացիներ 31-ամյա Արթուր Ճռիկյանն ու 21-ամյա Հասմիկ Հովեյանը մարմնական վնասվածքներով տեղափոխվել են Սևանի բժշկական կենտրոն։

Կայքի տեղեկություններով՝ Ֆլջյանն աշխատում է Հայաստանի քննչական կոմիտեի զինվորական քննչական գլխավոր վարչության 2-րդ քննչական բաժնի պետ, կոչումով արդարադատության մայոր է, իսկ վիրավորները ամուսիններ են։