ԵՐԵՎԱՆ, 13 փետրվարի — Sputnik. Ռուսական գլխավոր «Դոն Կառլեոնեի» դերին հավակնում են այնպիսի հայտնի «կերպարներ», ինչպիսիք են` Շաքրո Մոլոդոյը, Վասյա Վոսկրեսն ու Էդուարդ Թբիլիսցին։ Հենց նրանք են համարվում քրեական աշխարհի ամենաազդեցիկները, սակայն նրանք նաև մրցակիցներ ունեն։
ՌԻԱ Նովոստիի թղթակից Անդրեյ Գրիգորևը ամբողջական դոսյե է ստեղծել Ռուսաստանի «գլխավոր մաֆիոզի» կոչմանը հավակնող հիմնական թեկնածուների մասին։
Շաքրո Մոլոդոյ
Վրաստանում ծնված Զախարի Կալաշովը` Շաքրո Մոլոդոյ մականունով, դեռ երիտասարդ ժամանակ երկու անգամ հասցրել է բանտում հայտնվել։ Թբիլիսյան բանտում օրենքով գողի կարգավիճակ ստանալով` նա տեղափոխվել է Մոսկվա ու սկսել ռեստորանային բիզնեսով զբաղվել։ Սակայն օրինական եկամտից բացի, նա նաև ստվերային եկամուտ ուներ։ Ոչ պաշտոնական տվյալների համաձայն` նա զբաղվել է շորթմամբ ու ռեյդային հարձակումներով։ Երեք տարի նրա դեմ մահափորձ են կատարել, որից հետո նա Իսպանիա է տեղափոխվել։ Եվրոպայում շարունակել է իր քրեական գործունեությունը, և տեղի ոստիկանությունը սկսել է հետապնդել նրան։ Վտանգ զգալով`Կալաշովը թաքնվել է Արաբական Միացյալ Էմիրություններում։ Թեև նրան արագորեն ձերբակալել են ու արտաքսել երկրից։ Փողերի լվացման և կազմակերպված հանցավոր խմբավորում ստեղծելու համար իսպանական դատարանը նրան դատապարտել է 9 տարվա ազատազրկման:
Լոտու Գուլի
Լոտու Գուլի մականունով Բաքվի օրենքով գող Նադիր Սալիֆովը 1995 թվականին շորթման, մարդկանց առևանգելու և ապօրինի զենք պահելու համար դատապարտվել էր 27 տարվա ազատազրկման: Sputnik Ադրբեջանի տվյալներով՝ անգամ ճաղերի հետևում նա մի շարք ծանր հացագործություններ է կատարել: Նա բջջային հեռախոսների միջոցով ազդեցիկ քաղաքացիներից փողեր էր շորթում:
Վասյա Վոսկրես
Վասյա Վոսկրես մականունով Նիժնի Նովգորոդից Վասիլի Խրիստոֆորովը օրենքով գողերի չափանիշներով քրեական աշխարհ է մտել բավական ուշ՝ բանակում ծառայելուց հետո: Փոխարենը հանցավոր աշխարհում նա բավականին սրընթաց հաջողությունների է հասել։
Տաքսու վարորդի վրա ավազակային հարձակման համար իր առաջին ազատազրկման հետ մեկտեղ նա նաև օրենքով գողի կարգավիճակ ձեռք բերեց։ Ազատ արձակվելով`Վոսկրեսը մնաց իր երկրում, որտեղ ղեկավարեց հանցավոր խմբավորումներից մեկը։ Այդ ժամանակ նա սկսել է հետաքրքրվել Սարով քաղաքի մետաղների վերամշակող գործարանով` դրա հետ կապված որոշակի ծրագրրե մտմտալով։ Բայց նա լուրջ մրցակիցներ ուներ՝ մարզիկների մի խումբ, որը գլխավորում էր տեղացի ձեռնարկատերը:
Այժմ 45-ամյա օրենքով գողը համարվում է Շաքրո Մոլոդոյին հաջորդողներից մեկը:
Էդիկ Թբիլիսցի
Էդիկ Թբիլիսցի մականունով Վրաստանի քաղաքացի Էդուարդ Ասատրյանը դեռ 1990-ականներից է օրենքով գող դարձել: Պնդում են, որ նրան թագադրել են դեռ վրացական բանտում: Նա նաև հասցրել է լինել Վլադիմիրսկի ցենտրալում: Որոշ տվյալներով` հեղինակությունը նախկնում եղել է ռուսական հանցավոր աշխարհի թագավոր Ասլան Ուսոյանի՝ 2013-ին Մոսկվայում սպանված Դեդ Հասանի կլանում: Այլ տվյաներով՝ նա բացահայտ Դեդ Հասանի դեմ է դուրս եկել:
Տարո
Վրաստանի հանքարդյունաբերական քաղաքի բնակիչ Տարո մականունով Տարիել Օնիանին խորհրդային հասարակարգի վերջին օրենքով գողերից է: Նա ունի ընդամենը 10 տարվա դատվածություն՝ գողությունների, ավազակությունների, շորթման համար:
1980-ականներին Օնիանին հաստատվել է Մոսկվայում՝ գլխավորելով շատ ազդեցիկ, այսես կոչված «քութաիսյան խմբավորումը»: