ԵՐԵՎԱՆ, 13 փետրվարի — Sputnik. Վրաստանի նախկին նախագահ Միխեիլ Սահակաշվիլին իրեն ձերբակալելուց առաջ տոլմա էր պատվիրել, ինչպես միշտ։ Այդ մասին հայտնել է «Зрада чи Перемога» տելեգրամ ալիքը` հղում անելով «Սուլուգունի» ռեստորանի ադմինիստրատորին, որտեղ ճաշում էր Սահակաշվիլին։
«Որ վրացին իր պատվիրած տոլմայի համար չվճարի՞։ Միշային զրպարտում են, նա մեր մշտական հյուրն է և նախքան իրեն կձերբակալեին, նա երկար ժամանակ նստած էր, ճաշում էր», – ադմինիստրատորի խոսքերն է մեջբերում տելեգրամ ալիքը։
Սահակաշվիլին պատվիրեց այն, ինչ սովորաբար պատվիրում է` խինկալի, խաչապուրի, տոլմա։
Նախօրեին Կիևի «Սուլուգունի» ռեստորանում ուժայինները ձերբակալել էին Սահակաշվիլիին։ Տեսանկարահանող սարքերը արձանագրել էին նրա ձերբակալման պահը. ձայնագրման մեջ երևում է, թե ինչպես են դիմակավոր ուժայինները ներխուժում Կիևի ռեստորան, ապա չորս մարդ Սահակաշվիլիին տանում դեպի ավտոմեքենա, ընդ որում` նրանցից մեկը բռնում է Սահակաշվիլու մազերից։