ԵՐԵՎԱՆ, 12 փետրվարի — Sputnik. Վրաստանի նախկին նախագահ, Օդեսայի նախկին նահանգապետ և «Նոր ուժերի շարժման» առաջնորդ Միխեիլ Սահակաշվիլին երկուշաբթի ձերբակալվել է Կիևում։
Ուկրաինական ԶԼՄ-ների տվյալներով` ձերբակալության պահին Սահակաշվիլին եղել է «Սուլուգունի» ռեստորանում, երբ ներխուժել են դիմակավորված մարդիկ` Ուկրաինայի Պետական սահմանապահ ծառայության համազգեստով։
Սահակաշվիլու ֆեյսբուքյան էջում հաղորդագրություն է հայտնվել ձերբակալության մասին։
Առայժմ իրավապահ մարմինների գործողության մասին պաշտոնական տեղեկություններ չկան։
Ավելացնենք, որ նախօրեին Սահակաշվիլին հայտարարել էր, որ Ուկրաինայի իշխանությունը մտադիր է նրան արտահանձնել Լեհաստանին։