ԵՐԵՎԱՆ, 11 Փետրվար — Sputnik. «Մաշ» տելեգրամ ալիքը հաղորդում է, որ այսօր կործանված Ան–148 ինքնաթիռի անձնակազմի անդամների ինքնությունը պարզվել է։ Անձնակազմի 6 անդամներն են.
Վալերի Գոուբանով` անձնակազմի ղեկավար,
Սերգեյ Ղամբարյան` 2–րդ օդաչու,
Անաստասիա Սլավինսկայա` բորտուղեկցորդուհի,
Վիկտորյա Կոբոլ` ուղեկցորդուհի,
Օլեգ Սերգեև` տեխնիկական աշխատող,
Անդրեյ Ռյաբինին` տեխնիկական աշխատող։
Ինչպես Sputnik Արմենիայի թղթակցին հայտնեց ԱԳՆ մամուլի խոսնակ Տիգրան Բալայանը այս պահին իրենք հարցում են ուղարկել ՌԴ գործընկերներին` պարզելու` արդյոք Ան–148–ում ՀՀ քաղաքացիներ և էթնիկ հայեր եղել են, թե ոչ։ Պաշտոնական տեղեկություն ստանալուց անմիջապես հետո, այն կհրապարակեն։
Հիշեցնենք, որ այսօր Մոսկվայի ժամանակով 14։21 «Դոմոդեդովո» օդանավակայանից դուրս գալուց 7 րոպե անց Ան–148 ինքնաթիռը կորել ռադարների տեսադաշտից և կործանվել։
Ինքնաթիռում 71 մարդ է եղել, որից 65–ը`ուղևոր։ Այն Մոսկվայից մեկնում էր Օրսկ։