Մահացու կազմ. Մանուչարովն ու Խառատյանը «կանաչ» անակնկալ են պատրաստում երկրպագուների համար

ԵՐԵՎԱՆ, 10 փետրվարի — Sputnik. Հայտնի դերասան Վյաչեսլավ Մանուչարովն ուրախացրել է Instagram-ի բաժանորդներին երկար սպասված լուսանկարով։ Արտիստը սելֆի է արել հայտնի դերասաններ Դմիտրի Խառատյանի ու Եկատերինա Օլկինայի հետ։ Լուսանկարն արվել է «Կանաչ ֆուրգոն. բոլորովին այլ պատմություն» ֆիլմի նկարահանման հրապարակում։

Օգտատերերն իսկույն արձագանքել են հրապարակմանը՝ նշելով, որ շատ են սպասում ֆիլմին։

«Պաշտում եմ բոլորիդ», «Անկրնելիներ», «Ե՞րբ կարող ենք դիտել Կանաչ ֆուրգոն ֆիլմը։ Շատ եմ ուզում տեսնել», «Մահացու կազմ է։ Բոլորդ ասես ընտրված լինեք։ Սպասում ենք ֆիլմի պրեմիերային, Վյաչեսլավ», — գրել են դերասանի երկրպագուները։

Վյաչեսլավ Մանուչարովը սովորել է Մոսկվայի պետական համալսարանի քիմիայի ֆակուլտետին առընթեր քիմիական թեքումով դպրոցում։ Դպրոցական տարիներին նկարահանվել է «Պարզ ճշմարտություններ» երիտասարդական սերիալում։

2003թ-ին ավարտել է Շչուկինի անվան Բարձրագույն թատերական ուսումնարանը։ 2003-2009թթ-ին աշխատել է Ռուսական ակադեմիական երիտասարդական թատրոնում։

2012թ-ից սկսել է համագործակցել Ռայկինի անվան Էստրադայի թատրոնի հետ։

Ռուսաստանում շուտով կավարտվեն «Կանաչ ֆուրգոն» խորհրդային հայտնի ֆիլմի շարունակության նկարահանումները։ Շատերի կողմից սիրված երգիծական դետեկտիվը, որի գլխավոր դերում հանդես է գալիս Դմիտրի Խառատյանը, որոշել են չփչացնել ռեմեյքով, այլ լիարժեք երկրորդ մաս նկարահանել։