ԵՐԵՎԱՆ, 8 փետրվարի — Sputnik. Քիմ Քարդաշյանի կրտսեր քույրը` 20 տարեկան Քայլի Ջեները, ռեկորդ է սահմանել մեկ լուսանկարի համար ստացած like-երի քանակով։ Այս մասին հայտնում է Variety պարբերականը։
Նախօրեին նա հրապարակել է փետրվարի 1-ին ծնված դստեր լուսանկարը։ Գրեթե մեկ օրվա ընթացքում գրառումը մոտ 15 մլն like-ի արժանացել, ինչը 3 մլն-ով շատ է պորտուգալացի Քրիշտիանու Ռոնալդուի «հավաքած» թվից։
Քարդաշյանների ընտանիքից ամենահարուստը 20 տարեկան Քայլի Ջեներն է։ Նրա կարողությունը 386 մլն դոլար է գնահատվում։ Երկրորդ հորիզոնականում է Քիմ Քարդաշյանը` 40 մլն դոլարով, այնուհետև Քորթնի Քարդաշյանն է` 35 մլն դոլարով, իսկ ավելի վաղ աշխարհի ամենաբարձր վարձատրվող մոդել էր ճանաչվել Քենդալ Ջեները, որը զբաղեցնում էր հինգերորդ հորիզոնականը` 18 մլն դոլարով։
Տոհմի կրտսեր անդամը հայտնի է դարձել «Քարդաշյանների ընտանիքը» հեռուստաշոուին մասնակցելուց հետո։ Նա համալրել է նաև աշխարհի մինչև 30 տարեկան ամենաբարձր վարձատրվող հայտնի մարդկանց տասնյակը, որը կազմել է Forbes ամսագիրը։ Ջեներն Instagram-ում 103 մլն բաժանորդ ունի։
Քարդաշյանների ընտանիքը (Keeping Up with the Kardashians) ճանաչում է ստացել ամերիկյան ռեալիթի շոուի շնորհիվ։ Շոուի պրեմիերան տեղի է ունեցել 2007 թվականի հոկտեմբերին E! հեռուստաալիքի եթերում։ Շոուի գլխավոր հերոսներն են Քրիս Ջեները, Բրյուս Ջեները (այժմ` Քեյթլին), Քորթնի Քարդաշյանը, Քլոե Քարդաշյանը, Քիմ Քարդաշյան-Ուեսթը, Ռոբ Քարդաշյանը, Քենդալ Ջեները և Քայլի Ջեները։