ԵՐԵՎԱՆ, 7 փետրվարի — Sputnik. Բաքվում` ռադիոգործարանի տարածքում, տեղի ունեցած պայթյունից հետո դեպքի վայր են ժամանել հրշեջ և շտապօգնության ջոկատները, պատահարի պատճառները պարզվում են։ Ազի Ասլանով գյուղի բնակիչները պատմել են Sputnik Ադրբեջանին, որ մոտավորապես 19։15-ին երկինքը բոցավառվել է, հետո ուժեղ թնդյուն է լսվել, բայց բայց կրակ չի երևացել։
Ըստ արտակարգ իրավիճակների նախարարության` ժամը 19։17-ին «112» թեժ գծին հաղորդագրություն է ստացվել, որ արդյունաբերության նախարարության ձեռնարկություններից մեկում հրդեհ է բռնկվել, որին հետևել է պայթյունը։ Նախնական տվյալներով` դեպքը տեղի է ունեցել հրատեխնիկական իրերի պահեստում։
Պայթյունի պատճառը դեռ անհայտ է։ Առողջապահության նախարարության մամուլի ծառայությունից հաղորդել են, որ միջադեպի հետևանքով ոչ ոք չի տուժել։
Ականատեսների խոսքով` պայթյունի վայրում երևում են ծխի սև քուլաներ։