ԵՐԵՎԱՆ, 4 փետրվարի — Sputnik. Անգլիայի առաջնության 26-րդ տուրում փետրվարի 3-ին «Արսենալը» 5:1 հաշվով հաղթեց «Էվերթոնին»:
Հանդիպման ընթացքում 3 գոլային փոխանցում կատարեց Հայաստանի հավաքականի ավագ Հենրիխ Մխիթարյանը:
«Ես շատ ուրախ եմ: Սա արժանի հաղթանակ էր: Մենք պետք է շարունակենք նույն կերպ, որպեսզի հաղթենք նաև մյուս խաղերում և մտածենք նոր միավորներ վաստակելու մասին:
Մենք հարձակվողական լավ ֆուտբոլ խաղացինք, չնայած այն փաստին, որ երկրորդ խաղակեսն ավելի ծանր անցավ: Ինձ շատ դուր եկավ, թե ինչպես խաղաց «Արսենալը»: Կանեմ հնարավոր ամեն ինչ, որպեսզի օգնեմ թիմին հաղթանակներ տանել»,- Մխիթարյանի խոսքերը մեջբերում է «BBC»-ն:
Հենրիխ Մխիթարյանը 2013թ.-ից ի վեր «Արսենալի» 1-ին խաղացողն է, ով մի խաղի ընթացքում դարձավ 3 գոլային փոխանցման հեղինակ: