ԵՐԵՎԱՆ, 1 փետրվարի — Sputnik. Արցախի չորս երեխա ունեցող 230 ընտանիքներ 4000-ական դոլարին համարժեք դրամական աջակցություն կստանան «Տաշիր գրուպի» սեփականատեր, ռուսաստանաբնակ բարերար Սամվել Կարապետյանից: Այս մասին հայտնում է «Հայաստան» համահայկական հիմնադրամը։
Աղբյուրի համաձայն` գործարարն արդեն 2-րդ տարին է, ինչ միացել է Արցախում ծնելիության խթանման ծրագրին։
Ստեփանակերտում փետրվարի 3-ին նվիրատվության արարողություն է տեղի ունենալու, որին ներկա կլինի նաև Արցախի Հանրապետության նախագահ Բակո Սահակյանը։
Արցախի զարգացմանը ուղղված իր հետագա ծրագրերը Կարապետյանն այսուհետ կյանքի է կոչելու հենց «Հայաստան» համահայկական հիմնադրամի միջոցով: