Նարինե Կիրակոսյան
© Sputnik
Նարինեի տեղեկացմամբ՝ առք ու վաճառքի կայքերից մեկում 130 հազար դրամով կենդանի փորսուղի վաճառքի հայտարարություն է տեղադրված: Ոմանց պնդմամբ՝ այդ կենդանուն գնում են իր առողջարար յուղի և մսի համար, քանի որ մասնավորապես փորսուղի յուղը օգտագործվում է ժողովրդական բժշկության բաղադրատոմսերում:
«Այդ և նման այլ կենդանիների վաճառքն անօրինական է: Մի քանի տարի է բնապահպանության նախարարության կենսաբազմազանության գործակալությունը այդ կենդանիների որսի թույլտվություն չի տալիս, իսկ այս դեպքում հայտնի չէ, թե գորշուկը ինչպես է հայտնվել վաճառողների մոտ, արդյոք նրան անօրինականորեն չեն որսացել: Եվ եթե հետագայում այդ կենդանուն պետք է սպանեն, ապա դա նույնպես որս է: Ուստի տվյալ հայտարարությունն անօրինական է: Բայց վերահսկողություն չկա»:
Լրագրողի հավաստիացմամբ՝ այդ նույն կայքում նաև սկյուռի վաճառքի առաջարկներ կան, և ոչ ոք չի փորձում պարզել, թե կենդանիներն ի՞նչ ճանապահով են հայտնվել վաճառողների մոտ, ի՞նչ պայմաններում են պահվում և վաճառելուց հետո ի՞նչ է լինում նրանց հետ: